باجوڑ میں دھماکا، قبائلی رہنماء سمیت 2 افراد زخمی

خار (ڈیلی اردو) صوبہ خیبر پختونخوا کے قبائلی ضلع ضلع باجوڑ کی تحصیل برنگ میں ریمورٹ کنڑول بم دھماکے کے نتیجے میں پولیس اہلکار سمیت 2 افراد زخمی ہو گئے۔

تھانہ برنگ ایس ایچ اور شیر بہادر کے مطابق ہفتہ کے روز تحصیل برنگ اصیل ترغاؤ میں ریمورٹ کنڑول بم دھماکہ ہوا جس کے نتیجے میں پولیس اہلکار حکیم اور مقامی رہنماء ملک یار خان زخمی ہوئے ہیں۔

پولیس کا کہنا ہے کہ زخمیوں کو علاج معالجے کیلئے ضلعی ہیڈ کواٹر ہسپتال منتقل کر دیا گیا تاہم ابھی تک کسی نے واقعہ کی ذمہ داری قبول نہیں کی جبکہ پولیس فورس نے تفتیش شروع کر دی ہے۔

یاد رہے کہ اسی علاقے میں رواں ہفتہ بھی ریموٹ کنٹرول بم دھماکے کا واقعہ سامنے آیا تھا جس میں مقامی رہنماء ملک لعل سید کو نشانہ بنایا گیا تھا جس کے نتیجے میں وہ ہلاک ہوئے تھے۔