باجوڑ میں دہشت گردوں کا پولیس چیک پوسٹ پر حملہ

خار (ڈیلی اردو) صوبہ خیبر پختونخوا کے قبائلی ضلع باجوڑ میں میاگانو چیک پوسٹ پر باجوڑ پولیس کے پہلے سے چوکنا جوانوں نے ایک گھنٹے تک لڑتے ہوئے کالعدم تنظیم کے دہشتگردوں کا حملہ ناکام بنادیا۔

تفصیلات کے مطابق گزشتہ شب رات کی تاریکی میں دہشتگروں کے طرف سے میاگانو پولیس پوسٹ کو رات کے تاریکی میں اچانک راکٹ لانچرز اور دیگر چھوٹے ہتھیاروں سے نشانہ بنایا گیا۔

ضلعی پولیس کے جوانوں نے جوانمردی اور فوری کارروائی کرتے ہوئے حملے کو ناکام بنا دیا۔

بھرپور موثر جوابی کارروائی پر ڈسٹرکٹ پولیس آفیسر باجوڑ سجاد احمد نے تعینات پولیس جوانوں کو شاباش دی اور انہیں نقد انعامات دینے کا بھی اعلان کیا۔

حملے کے نتیجے میں پولیس جوان محفوظ رہے اور کسی قسم کا جانی نقصان نہیں ہوا۔

رات کی تاریکی کا فائدہ اٹھا کر دہشت گرد فرار اختیار ہونے پر مجبور ہو گئے۔