باجوڑ میں دہشتگردی کا بڑا منصوبہ ناکام، بھاری مقدار میں اسلحہ برآمد

اسلام آباد (ش ح ط) سیکیورٹی فورسز نے صوبہ خیبر پختونخوا کے قبائلی ضلع باجوڑ میں دہشت گردی کا بڑا منصوبہ ناکام بنا دیا، سیکیورٹی فورسز کی کارروائی کے دوران بڑی مقدار میں دھماکا خیز مواد برآمد ہوا ہے۔

سرکاری ذرائع کے مطابق سیکیورٹی فورسز کی جانب سے باجوڑ کی تحصیل نواگئی کے علاقہ چارمنگ سے دھماکا خیز مواد برآمد کیا گیا۔ کالعدم تحریک طالبان نے دھماکا خیز مواد باجوڑ اور خیبر پختونخوا میں دہشت گردی میں استعمال کرنا تھا۔

آئی ای ڈیز میں تیار ہونے والا سامان سے بھرے ہوئے تھیلے بھی برآمد کئے گئے۔ تھیلوں میں سینکڑوں کلو گرام بارودی مواد، ریموٹ، ڈیٹونیٹرز، بال بیئرنگ، تاریں اور اسلحہ برآمد کر لیا۔

یاد رہے کہ باجوڑ کے سیکورٹی فورسز نے پچھلے ایک ماہ کے دوران دہشت گردی کی یہ دوسری بڑی کوشش ناکام بنا دی۔

دہشت گردی میں استعمال ہونے والا سامان ممکنہ طور پر حال ہی میں افغانستان سے لایا گیا۔