بلوچستان: قلات میں مسلح افراد کی فائرنگ سے 3 مزدور ہلاک

کوئٹہ (ڈیلی اردو) صوبہ بلوچستان کے ضلع قلات کے علاقے منگچر کلی خراسانی کے قریب نامعلوم مسلح افراد کے فائرنگ سے تین مزدور ہلاک جبکہ ایک شدید زخمی ہو گیا۔

تفصیلات کے مطابق منگچر کے علاقے کلی خراسانی کے نزدیک زمیندار حاجی پیر جان محمد حسنی کے رگ (بورنگ) پر کام کرنے والے مزدوروں پر نامعلوم مسلح افراد نے رات ساڑھے بارہ بجے کے قریب آتشیں اسلحے سے فائرنگ کرکے علی رضا سکنہ صادق آباد ضلع رحیم یار خان کو زخمی اور تین افراد شاہنواز، قاسم علی اور تودا عرف سنیل کمار ساکنان صادق آباد ضلع رحیم یار خان کو ہلاک کردیا۔

Three labourers, all were residents of #Panjab province shot dead by unidentified armed assailants in Killi Khurasani #Tehsil_Manguchar district #Kalat, the victims were working on a rig of local former when last night they were targeted, one labour was sustained injuries.

— ???????? (@Info_Balochistn) February 8, 2021

اطلاع ملنے پر مقامی انتظامیہ میجر رسالدار علی اکبر مینگل نائب تحصیلدار حاجی محمد عارف محمدحسنی لیویز نفری کے ہمراہ موقع پر پہنچے۔ زخمیوں اور نعشوں کو ہسپتال منتقل کردیا گیا۔

مزید تفتیش مقامی انتظامیہ کررہی ہے ابھی تک کوئی گرفتاری عمل میں نہیں آئی ہے۔