بلوچستان: نصیر آباد میں زیرِ زمین چھپایا گیا 8 کلو بارودی مواد برآمد

نصیر آباد (ڈیلی اردو) صوبہ بلوچستان کے ضلع نصیر آباد میں زیرِ زمین چھپایا گیا 8 کلو وزنی بارودی مواد بم ڈسپوزل اسکواڈ نے ناکارہ بنا دیا۔

پولیس کے مطابق بارودی مواد اور بیٹریاں گوٹھ حمید خان میں ویران مقام پر چھپائی گئی تھیں۔

پولیس کا کہنا ہے کہ یہ بارودی مواد کسی تقریب میں تخریب کاری کے لیے استعمال کرنے کی اطلاعات تھیں۔

جعفر ایکسپریس کی بوگیوں سے 3 دستی بم برآمد، ناکارہ بنا دیے گئے

ریلوے پولیس کے مطابق کوئٹہ ریلوے اسٹیشن کے قریب لوکوشیڈ میں کھڑی جعفر ایکسپریس کی بوگیوں سے تین دستی بم برآمد کیے گئے، جنہیں بم ڈسپوزل اسکواڈ نے ناکارہ بنا دیا۔

ریلوے حکام کا کہنا ہے کہ دہشت گرد حملے میں متاثرہ جعفر ایکسپریس کی 5 بوگیوں کی مرمت کا کام جاری ہے۔ کچھی کے علاقے مشکاف سے لائی گئی 8 بوگیوں کو گزشتہ رات کوئٹہ ریلوے اسٹیشن پہنچایا گیا تھا۔