بلوچستان: کوئٹہ میں دھماکا، 2 افراد شدید زخمی

کوئٹہ (ڈیلی اردو) صوبہ بلوچستان کے صوبائی دارالحکومت کوئٹہ کے علاقے نیو سریاب کے کچرہ دان میں ہونے والے دھماکے سے قریب سے گذرنے والی مسافر بس کو جزوی نقصان ہوا اور 2 افراد شدید زخمی ہوگئے۔

پولیس کے مطابق کوئٹہ کے علاقے نیو سریاب میں پیٹرول پمپ کے ساتھ ایک کچرہ دان میں اس وقت دھماکا ہوا جب وہاں سے ایک لوکل بس گذر رہی تھی۔

It was an #IED blast & planted nearby trash dump at #Sariyab Road, the blast left two men injured, & a passenger bus damaged in the blast, #Quetta #Balochistan #Blast https://t.co/jDD1wCcmQB

— ???????? (@Info_Balochistn) January 16, 2021

دھماکے سے بس کو جزوی نقصان پہنچا اور دھماکاخیز مواد لگنے سے بس کا کنڈیکٹر محمد سلیم اور ایک مسافر اکبر شدید زخمی ہوگئے۔

زخمیوں کو طبی امداد کیلئے سول ہسپتال منتقل کردیا گیا جہاں دونوں کی حالت تشویش ناک بتائی جاتی ہے۔

پولیس کے مطابق دھماکا ٹائم ڈیوائس کا تھا جس میں 5 کلو بارودی مواد استعمال کیا گیا۔