بلوچستان: کوئٹہ میں دہشت گردوں کی فائرنگ سے ایک اور پولیس اہلکار ہلاک

کوئٹہ (بیورو رپورٹ) صوبہ بلوچستان کے صوبائی دارالحکومت کوئٹہ کے علاقے سیٹلائٹ ٹاؤن میں دہشت گردوں کی فائرنگ سے ایک اور پولیس اہلکار ہلاک ہوگیا۔

تفصیلات کے مطابق سیٹلائٹ ٹاؤن مکران روڈ پر دہشت گردوں کی فائرنگ سے محمد افضل نامی پولیس اہلکار ہلاک ہوگیا ہے۔ فائرنگ کے بعد ملزمان فرار ہوگئے۔

https://twitter.com/ShabbirTuri/status/1746162634641305959?t=KRVgNba_4jGJ2CLqwtHCOA&s=19

پولیس اور انتظامیہ نے علاقے کی ناکہ بندی کرکے ملزمان کی تلاش شروع کردی ہے۔

اسی طرح اس سے قبل فائرنگ کا ایک واقعہ بھی سامنے آیا تھا جس کے نتیجے میں کوئٹہ میں پولیو ورکرز کی سیکیورٹی پر مامور ایک پولیس اہلکار ہلاک ہوگیا تھا۔

Head Constable Jamil Ahmed succumbed to his injuries, #Quetta #Balochistan https://t.co/3r9GDqYFOn pic.twitter.com/mufshmSC21

— ???????? (@Info_Balochistn) January 12, 2024

پولیس کے مطابق کوئٹہ میں انسداد پولیو مہم کے دوران گزشتہ روز پولیو ٹیم مشرقی بائی پاس پر پولیو سے بچاؤ کے قطرے پلانے جارہی تھی کہ دہشت گردوں نے ان پر فائرنگ کر دی جس کے نتیجہ میں پولیو ٹیم کی سکیورٹی پر مامور اہلکار حوالدار جمیل احمد شدید زخمی ہوگیا تاہم پولیو ٹیم کے ورکر محفوظ رہے۔ اطلاع ملتے ہی پولیس نے زخمی کو ہسپتال منتقل کر دیا جہاں جمیل احمد زخموں کی تاب نہ لاتے ہوئے چل بسا۔

دونوں حملوں کی ذمہ داری کالعدم تنظیم تحریک طالبان پاکستان نے قبول کرلی ہے۔