بنوں میں نامعلوم افراد کی فائرنگ سے سی ٹی ڈی اہلکار ہلاک

بنوں (نمائندہ ڈیلی اردو) صوبہ خیبر پختونخوا کے قبائلی ضلع بنوں میں نامعلوم افراد کی فائرنگ سے کاؤنٹر ٹیررازم ڈیپارٹمنٹ (سی ٹی ڈی) کا اہلکار ہلاک ہوگیا۔

https://twitter.com/ShabbirTuri/status/1746178274311700803?t=kH2v3mqE8MYiMMqVhA0o_g&s=19

مقامی صحافی ہدایت اللہ خان کے مطابق نامعلوم مسلح افراد نے سی ٹی ڈی کا اہلکار انعام اللہ خان کو تھانہ کینٹ کی حدود علاقہ آزاد منڈی میں ٹارگٹ کلنگ کا نشانہ بنایا اور حملہ آور فرار ہوگئے۔

نامعلوم حملہ آوروں کی فائرنگ سے شہید ہونے والے سی ٹی ڈی کے اہلکار کانسٹیبل انعام اللہ کی نماز جنازہ اقبال شہید پولیس لائن میں سرکاری اعزاز کے ساتھ ادا کی گئی ، ڈی پی او بنوں افتخار شاہ، ایس پی سی ٹی ڈی اور پاک آرمی کے افسران نے شہید کے تابوت پر پھول چڑھائے ، pic.twitter.com/KQNuVHezo6

— Hidayat Ullah Jounalist (@HJounalist) January 13, 2024

واقعے کے بعد پولیس نے علاقے میں سرچ آپریشن شروع کردیا ہے۔

رات گئے پولیس اہلکار انعام اللہ کی نماز جنازہ اقبال شہید پولیس لائن میں سرکاری اعزاز کے ساتھ ادا کردی گئی۔

نماز جنازہ میں ڈی پی او بنوں افتخار شاہ،ایس پی آپریشن ثناء اللہ، ایس پی سی ٹی ڈی، پاک آرمی کے افسران، ایس ڈی پی اوز، دیگر پولیس افسران و اہلکاران اور کثیر تعداد میں معززین و لواحقین نے شرکت کی۔