بنوں: کواڈ کاپٹر ڈرون حملے میں ایک بچے سمیت 3 افراد ہلاک، 4 شدید زخمی

پشاور (ڈیلی اردو رپورٹ ) پاکستان کے شورش زدہ صوبے خیبر پختونخوا کے ضلع بنوں کے علاقے سردی خیل منڈی میں کواڈ کاپٹر ڈرون حملے اور فائرنگ کے نتیجے میں ایک بچے سمیت تین افراد ہلاک اور چار شدید زخمی ہو گئے۔ ہلاک اور زخمیوں کو فوری طور پر قریبی ہسپتال منتقل کر دیا گیا۔

مقامی ذرائع کے مطابق علاقے میں اب تک گیارہ ڈرون حملے ہو چکے ہیں جن میں کئی افراد ہلاک اور زخمی ہو چکے ہیں، لیکن ابھی تک کسی بھی واقعے کے خلاف ایف آئی آر درج نہیں کی گئی۔

علاقے کے شہریوں نے حکام سے مطالبہ کیا ہے کہ ڈرون حملوں اور سیکورٹی خطرات کے حوالے سے تفتیش اور قانونی کارروائی کی جائے تاکہ مستقبل میں شہریوں کی حفاظت ممکن ہو سکے۔