بھارتی فوج کی ایل او سی پر فائرنگ سے دو پاکستانی فوجی ہلاک

راولپنڈی (ڈیلی اردو) بھارتی فوج کی لائن آف کنٹرول (ایل او سی) پر بلااشتعال فائرنگ کے نتیجے میں پاکستان فوج کے 2 جوان ہلاک ہوگئے۔

پاکستان فوج کے شعبہ تعلقات عامہ (آئی ایس پی آر) کے مطابق بھارتی فوج نے ایک بار پھر کنٹرول لائن پر جنگ بندی کی خلاف ورزی کی اور لائن آف کنٹرول کے کھوئی رٹہ سیکٹر میں بلا اشتعال فائرنگ کی۔

Indian troops initiated CFVs in Khuiratta Sector along #LOC. Pakistan army troops responded befittingly. Reports of heavy losses 2 Indian troops in men & material. During exchange of fire, while fighting valiantly, 2 soldiers, Lance Naik Tariq & Sepoy Zaroof embraced shahadat. pic.twitter.com/v5NqywqnP3

— DG ISPR (@OfficialDGISPR) December 9, 2020

آئی ایس پی آر کے مطابق پاک فوج نے اشتعال انگیزی کا بھارتی فورسز کو بھرپور جواب دیا جس کے نتیجے میں دشمن فوج کو بھاری جانی نقصان اٹھانا پڑا۔

آئی ایس پی آر کے مطابق فائرنگ کے تبادلے میں پاک فوج کے 2 جوان 38 سالہ لانس نائیک طارق اور 31 سالہ سپاہی ظروف ہلاک ہوگئے۔