بھارتی فوج کی ایل او سی پر گولہ باری، 2 خواتین سمیت 4 پاکستانی زخمی

کوٹلی (ڈیلی اردو) لائن آف کنٹرول پر بھارتی فوج کی بلا اشتعال فائرنگ و گولہ باری سے دو خاتون سمیت چار افراد زخمی ہو گئے۔

رپورٹس کے مطابق لائن آف کنٹرول پر بھارتی فوج نے بلا اشتعال فائرنگ و گولہ باری سے جان بوجھ کر شہری آبادی کو نشانہ بنایا۔

بھارتی فوج نے تتہ پانی اور جندروٹ سیکٹر میں اچانک گولہ باری شروع کر دی۔

تتہ پانی سیکٹر کے علاقہ درو شیر خان اور تاہی میں ایک خاتون سمیت تین افراد زخمی جبکہ جندورٹ سکیٹر میں گولہ باری سے خاتون سلیمہ ایوب زخمی ہوئی۔

رپورٹس کے مطابق گولہ باری سے ان علاقوں میں نظام زندگی مفلوج ہو کر رہ گیا، لوگ محفوظ پناہ گاہوں میں محصو ر ہوگئے۔

دوسری جانب پاک فوج نے بھرپور جوابی کارروائی کی جس سے دشمن کی توپیں خاموش ہو گئیں۔