تحریک طالبان پاکستان سے مذاکرات پر پارلیمنٹ کو اعتماد میں لیا جائے، پیپلز پارٹی کا مطالبہ

اسلام آباد (ڈیلی اردو) زرداری ہاؤس اسلام آباد میں پیپلز پارٹی کا اعلیٰ سطح اجلاس ہوا جس میں دہشت گردی کے مسئلے بالخصوص تحریک طالبان افغانستان (ٹی ٹی اے) اور تحریک طالبان پاکستان (ٹی ٹی پی) کے ساتھ افغانستان میں ہونے والی حالیہ پیش رفت کی روشنی میں تبادلہ خیال کیا گیا۔

High level PPP meeting stresses for taking decisions related to terrorism issues through Parliamenthttps://t.co/3vq0UXUP52 pic.twitter.com/goTnu8fOgI

— PPP (@MediaCellPPP) June 11, 2022

سابق صدر آصف علی زرداری اور چیئرمین بلاول بھٹو زرداری کی زیر صدارت ہائبرڈ اجلاس ہوا جس میں پارٹی کی سینئر قیادت نے شرکت کی۔

سیکرٹری جنرل فرحت اللہ بابر کی جانب سے جاری کردہ ایک بیان میں کہا گیا ہے کہ اجلاس میں پارٹی کے اس موقف کا اعادہ کیا گیا کہ تمام فیصلے پارلیمنٹ کو کرنا چاہیے اور اس لیے پارلیمنٹ کو آن بورڈ لیا جانا چاہیے۔ پارٹی نے آگے کے راستے پر اتفاق رائے پیدا کرنے کے لیے اتحادی جماعتوں سے رابطہ کرنے کا بھی فیصلہ کیا۔

اجلاس میں سابق وزرائے اعظم یوسف رضا گیلانی، راجہ پرویز اشرف، فریال تالپور، وزیر اعلیٰ سندھ مراد علی شاہ، سید خورشید شاہ ، شیری رحمان، نیئر بخاری، نجم الدین صدر پی پی پی کے پی، فیصل کریم کنڈی، ہمایوں سمیت دیگر نے شرکت کی۔ چوہدری یاسین، قمر زمان کائرہ، چوہدری منظور، ندیم افضل چن، اخونزادہ چٹان، رخسانہ بنگش، نثار کھوڑو اور فرحت اللہ بابر بھی موجود تھے۔