جس طرح خطے سے داعش کو ختم کیا وہی انجام اسرائیل کا بھی ہوگا، حزب اللہ

بیروت (ڈیلی اردو) لبنان کی مزاحمتی تحریک حزب اللہ کے ڈپٹی سیکرٹری جنرل شیخ نعیم قاسم نے کہا ہے کہ جس طرح خطے سے داعش کو ختم کیا وہی انجام اسرائیل کا بھی ہوگا۔

بالفيديو | نائب الامين العام لحزب الله الشيخ نعيم قاسم: #حزب_الله يعرف واجباته تماما ونتابع خطوات العدو ولدينا جهوزية كاملة ومتى يحين وقت اي عمل سنقوم به #طوفان_الأقصى pic.twitter.com/tgwmQlLqOh

— قناة المنار (@TVManar1) October 13, 2023

ایران کے وزیر خارجہ عبداللہیان نے کہا ہے کہ ابھی ایک سیاسی راستہ موجود ہے اور وہ اس پر اقوام متحدہ کے مندوب سے بات کریں گے۔

ایرانی وزیر خارجہ نے اسرائیل کا ساتھ دینے والوں کو خبردار کرتے ہوئے کہا کہ چند گھنٹوں میں یہ موقع ختم ہو جائے گا، اگر لڑائی میں حزب اللہ شامل ہوئی تو اسرائیل پراس کے تباہ کن اثرات مرتب ہوں گے۔

ادھر حماس کے سربراہ اسماعیل ہنیہ نے بھی خبردار کر دیا ہے کہ حماس اور دیگر فلسطینی مزاحمتی گروپ اسرائیل کے عزائم کو ناکام بنائیں گے۔

دوسری جانب امریکی حکام نے تصدیق کردی ہے کہ اسرائیل فلسطین لڑائی کے دوران ہلاک امریکی شہریوں کی تعداد 29 ہوگئی ہے۔

اسرائیلی حملوں میں ہلاک ہونے والے فلسطینیوں کے تعداد تقریباً 3 ہزار تک پہنچ گئی ہے جبکہ اب تک 9 ہزار سے زائد فلسطینی زخمی ہو چکے ہیں۔