خوشاب میں 7 سالہ بچی سے زیادتی کا ملزم گرفتار

خوشاب (ڈیلی اردو ) صوبہ پنجاب کے ضلع خوشاب علاقے احمد پور میں سات سالہ بچی سحرش کو زیادتی کا نشانہ بنانے والے ملزم کو گرفتار کرلیا گیا۔

تفصیلات کے مطابق پولیس نے کارروائی کرتے ہوئے سات سالہ بچی سے مبینہ زیادتی کے ملزم کو گرفتار کرلیا۔

بچی کے والد کی مدعیت میں تھانہ احمد پور میں مقدمہ درج کرلیا گیا، متاثرہ بچی کے والد محمد فیاض نے بتایا کہ واقعہ محلہ احمد پور میں پیش آیا، جہاں بچی کو گھر میں اکیلا پا کر ملزم اندر گھس آیا اور بچی کے ساتھ زیادتی کرنے کے بعد فرار ہوگیا۔

واقعے کی اطلاع ڈی پی او خوشاب محمد نوید تک پہنچی تو انہوں نے سخت نوٹس لیتے ہوئے پولیس ٹیم کو ملزم کی گرفتاری کا حکم دیا اور پولیس نے بروقت کارروائی کرتے ہوئے ملزم نعمان والد مسعود کو دو گھنٹے کے اندر گرفتار کرلیا۔