خیبر پختونخوا: پولیس نے بلٹ پروف جیکٹس کا استعمال ترک کردیا

پشاور (ڈیلی اردو) گرمی کی شدت میں اضافہ کے ساتھ ہی خیبر پختونخوا کے پولیس اہلکاروں نے بلٹ پروف جیکٹس کا استعمال چھوڑ دیا جس کے باعث اہلکاروں کی زندگیاں خطرے میں پڑ گئیں۔

ٹارگٹ کلنگ اور دہشتگردی کے واقعات کے بعد خیبر پختونخوا پولیس نے بلٹ پروف جیکٹس کے استعمال کو لازمی قراردیا گیا تھا تاہم دہشت گردی پر قابو پانے میں خیبر پختونخوا پولیس نے اہم ترین کردار ادا کیا اور تین ہزار سے زائد افسران اور اہلکاروں نے جانوں کا نذرانہ پیش کیا۔ درجنوں اہلکاروں اور افسران ٹارگٹ کلنگ کے واقعات میں ہلاک ہوئے۔ تاہم کیپٹل سٹی پولیس، ٹریفک پولیس سمیت مختلف شعبوں کے ڈیوٹیوں پرتعینات اہلکاروں نے بلٹ پروف جیکٹس کے استعمال بند کردیا ہے۔

ڈیوٹی پر تعینات اہلکاروں کے موقف کے مطابق گرمی کی شدت میں اضافہ کے باعث اعلیٰ افسران کے احکامات کی روشنی میں استعمال بند کیا ہے تاہم حساس مقامات اور حساس شخصیات کے ساتھ ڈیوٹی پر تعینات اہلکار بلٹ پروف جیکٹس استعمال کرتے ہیں۔