دنیا جوہری تباہی سے محض ایک غلطی کی دوری پر ہے، سیکرٹری جنرل اقوام متحدہ

نیویارک (ڈیلی اردو) اقوام متحدہ کے سیکرٹری جنرل اینتونیو گوئیتریس نے خبردار کیا ہے کہ دنیا تباہ کن ایٹمی جنگ سے ایک غلط اندازے سے دوری پر ہے، اور ہم سرد جنگ کے بعد سے اس کے اطراف میں ہی ہیں۔

امریکی میڈیا کے مطابق ان کا کہنا تھا کہ ہم اب تک غیرمعمولی طور پرخوش قسمت ثابت ہوئے ہیں، بڑھتی ہوئی عالمی کشیدگی کے درمیان، انسانیت صرف ایک غلط فہمی ہے، اور ہم جوہری تباہی سے محض ایک غلطی کی دوری پر ہیں۔

Nuclear annihilation just one miscalculation away, warns UN Secretary General https://t.co/prW9bHW6K2

— BBC News (World) (@BBCWorld) August 1, 2022

جوہری عدم پھیلاؤ کے معاہدے پر دستخط کرنے والے ممالک کی کانفرنس کے افتتاح کے موقع پر اقوام متحدہ کے سیکرٹری جنرل نے کہا کہ روئے زمین پر موجود تقریبا ً ہر ملک این پی ٹی معاہدے پر دستخط کرچکا ہے، جن میں دنیا کی پانچ بڑی ایٹمی طاقتیں بھی شامل ہیں۔

اس معاہدے پردستخط نہ کرنے والے ممالک میں سے ہندوستان، پاکستان، شمالی کوریا اور اسرائیل ایسے ہیں جن کے پاس جوہری ہتھیار ہیں یا ان کی موجودگی کا شبہ ہے۔

ان کا مزید کہنا تھا کہ جوہری تباہی سے بچنے کیلئے دنیا کی خوش قسمتی زیادہ عرصے برقرار نہیں رہ سکتی، انہوں نے کہا کہ بین الاقوامی کشیدگی نئی بلندیوں پر پہنچ رہی ہے اور دنیا تباہ کن ایٹمی جنگ سے ایک غلط اندازے سے دوری پر ہے۔