دہشت گردوں کا علاج صرف نیشنل ایکشن پلان پر مکمل عمل کرنا ہے، آصف علی زرداری

کراچی (ڈیلی اردو) سابق صدر آصف علی زرداری کا کہنا ہے کہ دہشت گردوں کا علاج صرف نیشنل ایکشن پلان پر مکمل عمل درآمد کرنا ہے۔

سابق صدر آصف علی زرداری نے شمالی وزیرستان میں سکیورٹی فورسز کی گاڑی پر حملے کی شدید مذمت کرتے ہوئے ہلاک ہونے والے جوانوں کے درجات کی بلندی کے لیے دعا کی۔

اپنے بیان میں آصف زرداری کا کہنا تھا ریاست کی رٹ کو چیلنج کرنے والوں کا علاج دہشت گردی کی نرسریوں کو گرانا ہے۔

سابق صدر کا کہنا تھا کہ دہشتگردوں کا علاج صرف نیشنل ایکشن پلان پر مکمل عمل درآمد کرنا ہے، ضرورت اس بات کی ہے کہ دہشت گردوں کو وطن دشمن سمجھ کر ان سے نمٹا جائے۔

یاد رہے کہ گزشتہ روز خیبر پختونخوا کے قبائلی ضلع شمالی وزیرستان میں سکیورٹی فورسز پر دہشتگردوں کے حملے میں ایک پولیس افسر سمیت 5 اہکار ہلاک ہو گئے تھے۔