روس پر پابندیاں یورپی معیشت کیلئے نقصان دہ ہیں، جرمن چانسلر

برلن (ڈیلی اردو) جرمنی نے روس پر عائد پابندیوں کو یورپی معیشت کے لئے نقصان دہ قرار دے دیا ہے۔

غیر ملکی میڈیا رپورٹ کے مطابق اسپیگل میگزین میں شائع ہونے والے ایک انٹرویو میں جرمن چانسلر اولاف شولز نے کہا کہ روسی گیس کی اچانک پابندی یوکرین میں فوری امن نہیں لائے گی، انہوں نے کہا کہ میں نہیں سمجھتا کہ گیس کی پابندی یوکرین میں جاری جنگ کو روک دے گی۔

جرمن چانسلر نے کہا کہ کہا جارہا ہے کہ روسی گیس سے ہمیں فائدہ پہنچ رہا ہے، ایسا کچھ نہیں، ہم بڑے معاشی بحران سے بچنا چاہتے ہیں اور بڑے معاشی بحران سے بچنا چاہتے ہیں۔

جرمن چانسلر اولاف شولز نے خبردار کیا کہ روسی گیس کی اچانک بندش سے نہ صرف ہمارے ملک بلکہ پورے یورپ کے لیے سنگین نتائج ہوں گے، ہم لاکھوں ملازمتوں کے نقصان اور پلانٹس کے شٹ ڈاؤن سے بچنا چاہتے ہیں کیونکہ اس سے ہماری معیشت بیٹھ جائے گی۔

دوسری جانب جرمن ماہرین نے بھی اس بات کا اعادہ کیا کہ روسی گیس کی بندش ملکی معیشت کے لیے نقصان دہ ہوگی اور اس سے شدید معاشی نقصان ہوگا۔