سانحہ مچھ: آرمی چیف کی ہزارہ برادری سے ملاقات، انصاف فراہم کرنیکی یقین دہانی

راولپنڈی (ڈیلی اردو) پاک فوج کے شعبہ تعلقات عامہ (آئی ایس پی آر) کے مطابق دورہ کوئٹہ میں آرمی چیف جنرل قمر جاوید نے سانحہ مچھ کے متاثرہ خاندانوں سے ملاقات کی۔

آئی ایس پی آر نے بتایا کہ آرمی چیف نے سانحہ مچھ کے متاثرہ خاندانوں کے ساتھ وقت گزارا اور اس موقع پر ان کا کہنا تھا کہ سانحہ مچھ کے شہداء کا لہو رائیگاں نہیں جائے گا اور ذمے داروں کو انصاف کے کٹہرے میں لایا جائے گا۔

#COAS visited Quetta today on a day long visit. Given detailed security brief at HQ Southern Command, met families of victims of #Mach incident & also interacted with a large gathering of #Hazara community. At HQ Southern Command, COAS was apprised about prevailing security (1/5) pic.twitter.com/Bu5tsqNNZW

— DG ISPR (@OfficialDGISPR) January 13, 2021

آئی ایس پی آر کے مطابق آرمی چیف کو سدرن کمانڈ ہیڈ کوارٹرز میں سیکیورٹی امور پر تفصیلی بریفنگ دی گئی جبکہ آرمی چیف کو بلوچستان میں سیکیورٹی چیلنجز پر بھی بریفنگ دی گئی۔

آئی ایس پی آر کا کہنا ہے کہ آرمی چیف کوپاک افغان، پاک ایران بارڈرمنیجمنٹ کے امور پر بھی بریفنگ دی گئی۔

آرمی چیف جنر ل قمر جاوید باجوہ نے گیریژن افسران سے خطاب کیا اور امن و استحکام یقینی بنانے کیلئے تیاریوں اور کوششوں کی تعریف کی۔

انہوں نے کہا کہ اہم محل وقوع کے باعث بلوچستان پر دشمنوں کی کڑی نظر ہے، بلوچستان پاکستان کا مستقبل ہے اور بلوچستان کی خوشحالی پاکستان کی ترقی ہے۔

ان کا کہنا تھا کہ بلوچستان کی سیکیورٹی، استحکام اور خوشحالی کویقینی بنایا جائے گا، دشمن قوتوں کی تخریبی کوششوں کو کامیاب نہیں ہونے دیا جائے گا۔

خیال رہے کہ تین جنوری کے روز بلوچستان کے ضلع بولان کی تحصیل مچھ میں 11 شیعہ ہزارہ کان کنوں کو کوئلہ فیلڈ میں داعش کے دہشت گردوں نے بے دردی سے ذبح کئے تھے جس کے بعد ان کے ورثا نے میتوں کے ہمراہ کوئٹہ میں 6 روز دھرنا دیا اور وزیراعظم عمران خان کی آمد کا مطالبہ کیا تھا۔