سعودی عرب اتحاد نے حوثیوں کی دھماکا خیز مواد سے لدی کشتی تباہ کردی

👁️ 88 بار دیکھا گیا

ایڈمن

امریکا

ریاض (ڈیلی اردو) سعودی عرب کی زیر قیادت عرب عسکری اتحاد نے بحیرہ احمر میں دہشت گردی کی کارروائی ناکام بنادی۔

عرب عسکری اتحاد کی جانب سے جاری بیان کے مطابق یمن سے آنے والی دھماکا خیز مواد سے بھری کشتی کو سمندر میں تباہ کردیا گیا۔

ترجمان عرب عسکری اتحاد کے مطابق دھماکا خیز مواد سے لدی ہوئی کشتی کو جزیرہ الصلیف کے قریب تباہ کیا گیا۔

عرب اتحاد کا کہنا ہے کہ کشتی کو دہشت گردی کے مقصد سے سعودی عرب کی سمندری حدود میں بھیجا گیا تھا۔

ترجمان کا کہنا ہے کہ یمن کی حوثی ملیشیا کی کارروائیاں عالمی تجارتی بحری راہداریوں کے لیے خطرہ ہے۔