سوات میں پولیس کی کارروائی، تحریک طالبان پاکستان کے 4 دہشتگرد گرفتار

سوات (ریاض شاہد) پولیس نے صوبہ خیبر پختونخوا کے ضلع سوات کے علاقہ مٹہ میں کارروائی کرتے ہوئے کالعدم تنظیم تحریک طالبان پاکستان کے چار دہشت گردوں کو گرفتار کرلیا۔

ایس ایچ او مٹہ پولیس سٹیشن نواب خان کے مطابق پولیس نے خفیہ اطلاع پر کارروائی کرتے ہوئے 4 اہم روپوش دہشت گردوں کو گرفتار کرلیا ہے جس میں شوکت علی ولد شمس الہادی سکنہ شکردرہ، حضرت علی ولد حضرت بلال سکنی پیرکلے مٹہ، محمد طاہر ولد امان خان سکنہ خریڑی مٹہ اور علی محمد ولد محمد سکنہ دار مئی مٹہ شامل ہیں۔

چاروں گرفتار دہشت گرد پولیس کو دہشت گردی سمیت دیگر مختلف مقدمات میں مطلوب تھے، گرفتار ملزمان کو عدالت عدالت نے جیل بھجوا دیا ہے۔