سپریم کورٹ کے سینئر جسٹس قاضی فائز عیسیٰ کا موبائل فون ہیک کر لیا گیا

اسلام آباد (ڈیلی اردو) سپریم کورٹ آف پاکستان کے جسٹس قاضی فائز عیسیٰ کا موبائل فون ہیک کرلیا گیا۔

سپریم کورٹ کی جانب سے جاری کیے گئے اعلامیے کے مطابق جسٹس قاضی فائز عیسیٰ کے موبائل فون سے گمراہ کن پیغام رسانی ہوسکتی ہے، ان کے موبائل فون نمبر سے کسی بھی قسم کی پیغام رسانی جعلی اور غلط تصور کی جائے۔

The attack on one of the senior most judges of the Supreme Court and one most disliked by this govt, Justice Qazi Faez Isa is relentless. After attempting to soil his reputation, his phone hacking is the latest example of what happens to those who stand for the constitution. pic.twitter.com/Zoz6TaTuP8

— Syed Talat Hussain (@TalatHussain12) February 2, 2021

اعلامیے میں کہا گیا ہے کہ ان کے موبائل نمبر سے بھیجا گیا پیغام جسٹس قاضی فائز عیسیٰ سے منسوب نہ کیا جائے کیونکہ ہیکرز جسٹس قاضی فائز عیسیٰ کا موبائل نمبر مذموم مقاصد کیلئے استعمال کرسکتے ہیں۔

خیال رہے کہ چیف جسٹس آف پاکستان کے بعد سپریم کورٹ کی سینیارٹی لسٹ میں جسٹس قاضی فائز عیسیٰ تیسرے نمبر پر ہیں۔

دوسری جانب رجسٹرار سپریم کورٹ نے جسٹس قاضی فائز عیسیٰ کے فون ہیکنگ کے معاملے پر وفاقی تحقیقاتی ادارے (ایف آئی اے) کے ڈائریکٹر جنرل (ڈی جی) واجد ضیاء کو خط لکھا ہے۔

ذرائع کے مطابق خط میں کہا گیا ہے کہ جسٹس قاضی فائز عیسیٰ کے موبائل فون ہیکنگ معاملے کی تحقیقات کی جائے اور ہیکنگ کی وجوہات جاننے کیلئے ایف آئی اے کی ایک ٹیکنیکل ٹیم بنائے جائے۔

رجسٹرار سپریم کورٹ نے کہا ہے کہ ڈی جی ایف آئی اے کی ٹیم جلد فون ہیکنگ معاملے کا اسٹیٹس بتائے۔