پنجاب کے مختلف شہروں میں آپریشن، منموہن سنگھ سمیت 20 دہشت گرد گرفتار

لاہور (بیورو رپورٹ) ‏کاؤنٹر ٹیررازم ڈیپارٹمنٹ (سی ٹی ڈی) نے پنجاب کے مختلف اضلاع میں انٹیلی جنس بیسڈ آپریشن کرتے ہوئے 20 دہشت گردوں کو گرفتار کر لیا۔

ترجمان سی ٹی ڈی کے مطابق یہ کارروائیاں لاہور، فیصل آباد، خانیوال، بہاولنگر، راولپنڈی، چنیوٹ، میانوالی، ساہیوال، شیخوپورہ، سیالکوٹ، بہاولپور اور حافظ آباد میں کی گئیں.

ترجمان سی ٹی ڈی کے مطابق لاہور سے کالعدم تحریک طالبان پاکستان کے دو جبکہ راولپنڈی سے ایک خطرناک دہشت گرد منموہن سنگھ کو گرفتار کیا گیا ہے۔

حکام کے مطابق راولپنڈی سے گرفتار ہونے والے دہشت گرد منموہن سنگھ کا تعلق رحیم یار خان سے ہے۔ گرفتار دہشت گردوں کے قبضے سے دھماکہ خیز مواد اور خودکش جیکٹ بنانے کا سامان برآمد کیا گیا ہے۔

ترجمان نے ڈیلی اردو کو بتایا کہ دیگر دہشت گردوں سے دھماکہ خیز مواد، 3 آئی ای ڈی بم ، 23 ڈیٹونیٹرز ،61 فٹ حفاظتی فیوز تار، متنازع پمفلٹس نقدی اور موبائل فون برآمد ہوئے.

سی ٹی ڈی لاہور کے مطابق دہشت گردوں کی شناخت صالح رضا، محمد ریاض، ابوبکر، بوال خان، محمد یونس اور عثمان کے نام سے ہوئی۔

دہشت گرد مختلف مقامات پر کارروائی کر کے عوام میں خوف و ہراس پھیلانا چاہتے تھے۔

حکام کے مطابق لاہور رواں ہفتے میں 2231 کومبنگ آپریشنز کے دوران 495 مشتبہ افراد گرفتار کیے، کومبنگ آپریشنز میں 87565 افراد سے پوچھ گچھ کی گئی۔

سی ٹی ڈی محفوظ پنجاب کے ہدف پر عمل پیرا ہے ،دہشت گردی کے ناسور کو جڑ سے اکھاڑ پھینکنے کے لیے پرعزم ہیں۔ قانون نافذ کرنے والے ادارے مزید تفتیش میں مصروف ہیں۔