سی ڈی ڈی کی گوجرانوالہ اور راولپنڈی میں کارروائیاں، داعش رکن سمیت دو دہشت گرد گرفتار

لاہور (بیورو رپورٹ) کاؤنٹر ٹیررازم ڈیپارٹمنٹ (سی ٹی ڈی) نے پنجاب میں کارروائیاں کرتے ہوئے دو دہشت گردوں کو گرفتار کرلیا۔

Alleged ISKP operative arrested from Rawalpindi. #Pakistan https://t.co/a62g14w6b6

— FJ (@Natsecjeff) September 9, 2023

تفصیلات کے مطابق سی ٹی ڈی نے پنجاب میں انٹیلی جنس بیسڈ پر کارروائیاں کیں اور گوجرانوالہ اور راولپنڈی سے دو دہشت گرد گرفتار کرلئے۔

ترجمان کے مطابق راولپنڈی میں کی جانیوالی کارروائی میں داعش کا اہم کارکن عیسٰی گرفتار کرلیا گیا۔

ترجمان کے مطابق دہشت گردوں کی شناخت ذاکر اللہ اور عیسیٰ کے نام سے ہوئی ہے، ترجمان کے مطابق دہشت گردوں سے بارودی مواد، ڈیٹونیٹرز، موبائل فون اور نقدی بھی برآمد کی گئی ہے۔

مزید بتایا کہ ان دہشت گردوں کے خلاف مقدمات درج کر لیے گئے ہیں اور تحقیقات جاری ہیں۔