شام: اسرائیلی جنگی طیاروں کی بمباری، فاطمیون، زینبیون کے جنگجو سمیت 57 افراد ہلاک

دمشق یروشلم (ڈیلی اردو) اسرائیل کے شام کے مشرقی شہر دیروز زور میں رات گئے فضائی حملوں میں بشار الاسد انتظامیہ کی فوج اور ایرانی پاسداران انقلاب کے ماتحت سر گرم عمل فاطمیون اور زینبیون بریگیڈز کے جنگجو سمیت 57 افراد ہو گئے۔

عالمی خبر رساں ادارے کے مطابق اسرائیلی طیاروں نے گزشتہ دو ہفتوں کے دوران چوتھی بار شام میں ایرانی ٹھکانوں پر بمباری کی، اسرائیلی طیاروں نے 18 ایرانی ٹھکانوں کو ٹارگٹ کیا جہاں مبینہ طور پر ایران کے پاسداران انقلاب اور لبنان کی حزب اللہ کے جنگجوؤں “فاطمیون اور زینبیون بریگیڈز” کی قیام گاہیں اور اسلحہ ڈپو تھے۔

#BREAKING Deadliest Israeli raids on Syria in years kill 57: new toll pic.twitter.com/dPyL5jZDsL

— AFP News Agency (@AFP) January 13, 2021

مقامی ذرائع سے حاصل کردہ معلومات کے مطابق شہری مرکز میں واقع ’باس قائدانہ کیمپ‘ کی فوجی شاخ، امل علاقے کے بعض فوجی عسکری مقامات، دیروزور کے نواحی علاقے اور ابالا ابوکمال تحصیلوں سمیت ریگسانی مقامات کو ہدف بنایا گیا۔

Suspected Israeli strikes on Iran-linked targets in eastern Syria 'kill dozens' overnight https://t.co/ukhiDAEEaT

— BBC News (World) (@BBCWorld) January 13, 2021

اسرائیلی فوج نے دعویٰ کیا ہے کہ مشرقی شام میں بوکمل اور دیر ایزور کے علاقوں میں کی گئی کارروائی میں 57 جنگجو ہلاک اور متعدد زخمی ہوئے جب کہ 5 اسلحہ ڈپو کو تباہ کردیا گیا۔ ہلاک ہونے والوں میں اسدی فوج کے ایک کرنل سمیت 11 فوجی بھی ہلاک ہو گئے۔

57 said killed in one of largest Syria strikes attributed to Israelhttps://t.co/YQao1etfhR

— Haaretz.com (@haaretzcom) January 13, 2021

شام نے اسرائیلی طیاروں کی بمباری کی تصدیق کرتے ہوئے کہا ہے کہ نقصان کا جائزہ لیا جا رہا ہے تاحال درست اعداد و شمار وصول نہیں ہوئے ہیں۔ ایران کی جانب سے بھی حملوں پر کسی قسم کا تبصرہ سامنے نہیں آیا ہے۔

#Exclusive:
Photos show the destruction of a missile depot of Fatimiyeon militia in Aiyash warehouses areas west of Deir Ezzor city, as a result of the airstrikes carried out by warplanes, believed to be Israeli, in Deir Ezzor last night. pic.twitter.com/TWgnCV3UJ3

— Omar Abu Layla (@OALD24) January 13, 2021

اسد انتظامیہ کی خبر رساں ایجنسی صنا (SANA) کی بھی فوجی ذرائع کے حوالے سے خبر میں دیروزور پر فضائی حملے کی زمہ داری اسرائیل پر عائد کی گئی تھی۔

واضح رہے کہ اسرائیلی طیاروں کی شام میں عراقی سرحد کے نزدیکی علاقوں میں فضائی کارروائی میں تیزی بغداد ایئرپورٹ میں امریکی حملے میں ایرانی قدس فورس کے سربراہ جنرل قاسم سلیمانی کی ہلاکت کے بعد آئی ہے جس کے بعد ایرانی ملیشیا نے امریکی سفارت خانوں اور فوجی اڈوں پر پر حملے کیے تھے۔