شمالی غزہ میں کیپٹن سمیت دو اسرائیل فوجی ہلاک

یروشلم (ڈیلی اردو) اسرائیلی فوج کا کہنا ہے کہ شمالی غزہ میں جھڑپوں کے دوران اس کے دو فوجی ہلاک اور دو دیگر شدید زخمی ہو گئے ہیں۔

ٹائمز آف اسرائیل نے ہلاک ہونے والے فوجیوں میں سے ایک کی شناخت کیپٹن ایتان اسرائیل شکنازی کے نام سے کی ہے۔ 24 سالہ شکنازی نہال بریگیڈ کی 932 ویں بٹالین میں ڈپٹی کمپنی کمانڈر تھے۔

اخبار نے فوج کے حوالے سے بتایا کہ دوسرے فوجی کا نام بعد میں ظاہر کیا جائے گا۔

اسرائیلی فوج کا مزید کہنا تھا کہ شمالی غزہ کے علاقے بیت حنون میں اسی واقعے میں 932 ویں بٹالین کے دو دیگر فوجی بھی شدید زخمی ہوئے ہیں۔

خیال رہے کہ گذشتہ ہفتے حنون میں ٹینک شکن میزائل حملے میں 23 سالہ سارجنٹ یوریل پیریٹز بیت ہلاک جبکہ سات دیگر زخمی ہوگئے تھے جن میں سے تین کی حالت تشویشناک ہے۔