شمالی وزیرستان میں سیکیورٹی فورسز کی کارروائی، کالعدم تنظیم کے 6 دہشت گرد ہلاک

راولپنڈی (ک م) سیکیورٹی فورسز نے صوبہ خیبر پختونخوا کے قبائلی شمالی وزیرستان کے علاقے دتہ خیل میں انٹیلی جنس بنیاد پر آپریشن کیا۔

پاکستانی فوج کے شعبہ تعلقات عامہ آئی ایس پی آر کے مطابق سیکیورٹی فورسز اور دہشت گردوں میں فائرنگ کا تبادلہ ہوا، شدید فائرنگ کے تبادلے میں کالعدم تنظیم کے 6 دہشت گرد مارے گئے۔

آئی ایس پی آر نے کہا کہ ہلاک دہشت گردوں سے اسلحہ اور گولہ بارود بھی برآمد ہوا، ہلاک دہشت گرد سیکیورٹی فورسز اور شہریوں پر دہشت گرد حملوں میں ملوث تھے۔

پاک فوج کے شعبہ تعلقات عامہ کا کہنا ہے کہ علاقے کے لوگوں نے سیکیورٹی فورسز کے ردعمل کو سراہا، مقامی لوگوں نے دہشت گردی کی لعنت کے خاتمے کے لیے مکمل تعاون کا اظہار کیا۔