صومالیہ: موغادیشو میں دو بم دھماکوں میں 5 افراد ہلاک، 16 زخمی

موغادیشو (ڈیلی اردو/شِنہوا) صومالیہ کے دارالحکومت موغادیشو میں متعدد بم دھماکوں کے باعث کم از کم 5 افراد ہلاک اور 16 دیگر زخمی ہو گئے ہیں۔

At least five people including children were killed as Al Shabaab militants attacked several police stations and security checkpoints in Somalia's capital Mogadishu https://t.co/kEVJYiHLV9 pic.twitter.com/nd04MnLCIZ

— Reuters (@Reuters) February 16, 2022

عالمی خبر رساں ادارے کے مطابق صومالیہ کے دارالحکومت کے دو الگ الگ واقعات میں پولیس اسٹیشنز پر حملہ کیا گیا جس سے پولیس اسٹیشن کی عمارت تباہ ہوگئی۔ حملے میں تھانوں کے آس پاس کے گھروں کو بھی شدید نقصان پہنچا۔ حملے میں 5 افراد ہلاک ہوگئے جن میں دو بچے بھی شامل ہیں پولیس اسٹیشن کے قریب کھیل رہے تھے۔

Five people including 2 children were killed and 16 others wounded in suicide attacks which terrorists targeted #Mogadishu’s Kahda police station and Darasalam neighbourhood last night.#Somalia pic.twitter.com/zQX9rDdowC

— Nasra Bashir Ali (@NasraBashiir) February 16, 2022

پولیس کے ترجمان عبدالفتح حسن عدن نے بدھ کے روز صحافیوں کو بتایا کہ موغادیشو کے محلے دارالسلام میں بارودی مواد سے بھری گاڑی پھٹنے کے نتیجے میں 2 خواتین ہلاک اور 16 دیگر افراد زخمی ہو گئے ہیں۔

عبدالفتح حسن عدن نے بتایا کہ دہشتگردوں نے اس کے بعد رات تقریبا 1 بجے دارالحکومت موغادیشو میں کہدہ پولیس اسٹیشن اور دیگر مقامات پر حملے کیے جنہیں پسپا کر دیا گیا ہے۔

عبدالفتح حسن عدن نے موغادیشو میں صحافیوں کو بتایا کہ موغا دیشو کے مغربی گاؤں دارالسلام میں دہشتگردوں کے کار بم حملے میں 2 خواتین ہلاک اور 16 دیگر افراد زخمی ہوئے ہیں۔ ہماری افواج اب بھی دہشت گردوں کا تعاقب کر رہی ہیں۔

انہوں نے کہا کہ الشباب کے عسکریت پسندوں نے ضلعی پولیس اسٹیشن کہدہ پر حملہ کرنے کی کوشش کی لیکن پولیس فورسز نے مزاحمت کی اور انہیں زیریں شابیلی کے سمت پیچھے دھکیل دیا گیا ہے۔

جنگجو گروپ الشباب نے موغادیشو میں ہونیوالے تازہ حملوں کی ذمہ داری قبول کی ہے۔

صومالیہ میں آئندہ ہفتے الیکشن ہونے جا رہے ہیں تاہم شورش زدہ ملک میں اس سے قبل ہی حالات خراب ہوگئے ہیں۔