عسکری قیادت کا آئی ایس آئی ہیڈکوارٹرز کا دورہ، ایل او سی کی صورتحال پر بریفنگ

راولپنڈی (ڈیلی اردو) چیئرمین جوائنٹ چیفس آف اسٹاف کمیٹی اور تینوں مسلح افواج کے سربراہان نے آئی ایس آئی ہیڈ کوارٹرز اسلام آباد کا دورہ کیا ہے جہاں انہیں علاقائی سلامتی، لائن آف کنٹرول کی صورتحال اور مقبوضہ جموں و کشمیر سے متعلق تفصیلی بریفنگ دی گئی۔

ڈی جی آئی ایس پی آر میجر جنرل بابر افتخار کے مطابق چیئرمین جوائنٹ چیفس آف اسٹاف کمیٹی جنرل ندیم رضا کے ہمراہ آرمی چیف جنرل قمر جاوید باجوہ، امیر البحر ایڈمرل ظفر محمود عباسی اور پاک فضائیہ کے سربراہ ایئر چیف مارشل مجاہد انور خان موجود تھے۔ ڈی جی آئی ایس آئی لفٹیننٹ جنرل فیض حمید نے چیئرمین جوائنٹ چیفس آف اسٹاف کمیٹی اور سروسز چیفس کا استقبال کیا۔

General Nadeem Raza, #CJCSC, General Qamar Javed Bajwa, #COAS, Admiral Zafar Mehmood Abbasi, #CNS and Air Chief Marshal Mujahid Anwar Khan, #CAS visited HQ #ISI. Lieutenant General Faiz Hamid, DG ISI received the CJCSC and Services Chiefs at Directorate General ISI. (1/2) pic.twitter.com/AsXOkdkukv

— DG ISPR (@OfficialDGISPR) June 16, 2020

آئی ایس آئی ہیڈ کوارٹرز میں چیئرمین جوائنٹ چیفس آف اسٹاف کمیٹی اور تینوں سروسز چیف کو علاقائی سلامتی سے متعلق بریفنگ دی گئی۔

ڈی جی آئی ایس پی آر کے مطابق بالخصوص لائن آف کنٹرول کی صورتحال اور مقبوضہ جموں و کشمیر سے متعلق عسکری قیادت کو جامع بریفنگ دی گئی۔

…Comprehensive briefing was given to military leadership on regional security issues with special focus on situation of LOC & IOJ&K. CJCSC & Services Chiefs appreciated tireless efforts of ISI for National Security & expressed satisfaction over professional preparedness. (2/2)

— DG ISPR (@OfficialDGISPR) June 16, 2020

عسکری قیادت نے قومی سلامتی کیلئے آئی ایس آئی کی انتھک کوششوں کی تعریف کی۔ عسکری قیات نے آئی ایس آئی کی پیشہ ورانہ صلاحیتوں پر اطمینان کا اظہار کیا۔