غیر ملکی میڈیا کا لائن آف کنٹرول کے سیکٹر چڑی کوٹ کا دورہ

راولپنڈی (ڈیلی اردو) غیر ملکی میڈیا کے وفد نے لائن آف کنٹرول کے چڑی کوٹ سیکٹر کا دورہ کیا اور بھارتی فوج کی بلااشتعال فائرنگ کے متاثرین سے ملاقات کی۔

غیر ملکی میڈیا کے وفد نے بھارتی فوج کے مقبوضہ کشمیر میں 5 اگست کے غیر قانونی اقدامات کو سال پورا ہونے سے قبل یہ دورہ کیا اور ایل او سی کی صورتحال کا جائزہ لیا۔

Int’l media visits #LoC to interact with Indian CFV victims #APPNews #LOC #media #LOCVisit #IndianArmy #Kashmir #Ajk @ForeignOfficePk @SMQureshiPTI pic.twitter.com/wH3r95Tgl0

— APP ???????? (@appcsocialmedia) July 23, 2020

غیر ملکی میڈیا، اقوام متحدہ فوجی مبصر مشن کو ایل او سی، مقامی آبادی تک مکمل رسائی دی گئی۔

غیر ملکی میڈیا نے چڑی کوٹ سیکٹر میں فائر بندی انتظام کی بھارتی خلاف ورزیوں کا مشاہدہ بھی کیا۔

وفد نے پونچھ سیکٹر کا علاقہ بھی دیکھا جہاں بھارتی فوج پونچھ سیکٹر سے شہری آبادی کو بھاری ہتھیاروں اور مارٹر گولوں سے نشانہ بناتی ہے۔

وفد کو بتایا گیا کہ بھارتی فوج ایل او سی کے مختلف سیکٹرز میں کلسٹر بموں کا بھی استعمال کرتی ہے۔