لاہور: ایف آئی اے کا افسر شہری کے اغواء برائے تاوان کیس میں گرفتار، تین فرار، مقدمہ درج

لاہور (مانیٹرنگ ڈیسک) پاکستان کے وفاقی تحقیقاتی ادارے ایف آئی اے کے ڈائریکٹر لاہور زون سرفراز ورک نے بتایا کہ ایف آئی اے افسران کا شہری سے اغواء برائے تاوان مانگنے کے معاملے پر چاروں ایف آئی اے افسران کو معطل کردیا گیا۔

تفصیلات کے مطابق ایف آئی اے کے چاروں افسران کیخلاف اینٹی کرپشن ایف آئی اے لاہور میں مقدمہ درج کیا گیا ہے۔

ڈائریکٹر ایف آئی اے سرفراز ورک کے مطابق ایف آئی اے افسران کی جانب سے شہری کو حبس بے جا رکھ کر 3 کروڑ روپے تاوان وصول کرنے کا معاملہ پر چاروں ایف آئی اے افسران کو معطل کردیا گیا۔

ڈائریکٹر ایف آئی اے کے مطابق ایف آئی اے نے ملوث افسران میں شامل انسپکٹر فخر عباس کو گرفتار کرلیا جبکہ انسپکٹر وقاص رضوان، سب انسپکٹرز مصدق عظیم، نبیل اور 3 شہری بھی مقدمے میں نامزد ہیں۔ باقی ملزموں کی تلاش میں چھاپے مارے جارہے ہیں۔

ڈائریکٹر ایف آئی اے سرفراز ورک نے مزید بتایا کہ ملزمان کے خلاف مقدمے میں خلاف اغواء برائے تاوان، حبس بے جا اور کرپشن کی دفعات بھی درج ہیں، متاثرہ شہری امجد سے تاوان وصولی پر ایف آئی اے کے چاروں افسران کو معطل کردیا ہے۔