لاہور میں زیادتی اور گینگ ریپ کے کیسز میں خطرناک حد تک اضافہ

لاہور (ڈیلی اردو) صوبہ پنجاب کے صوبائی حکومت لاہور میں زیادتی اور گینگ ریپ کے کیسز میں خطرناک حد تک اضافہ ہونے لگا ہے۔

رپورٹ کے مطابق رواں سال صرف 8 ماہ کے دوران لاہور میں زیادتی گینگ ریپ کے 568 مقدمات درج ہوئے ہیں، صدر ڈویژن میں زیادتی کے 119 کیسز رپورٹ ہوئے ہیں، دوسرے نمبر پر کینٹ ڈویژن میں 102 خواتین کے ساتھ زیادتی کے کیس رپورٹ ہوئے۔

تیسرے نمبر پر ماڈل ٹاؤن ڈویژن میں 92 مقدمات رپورٹ ہوئے، چوتھے نمبر پر سٹی ڈویژن میں 81 اقبال ٹاؤن میں 65 درج ہوئے۔

سول لائن میں 33 لڑکیوں کو زیادتی کا نشانہ بنایا گیا۔ اسی طرح گینگ ریپ کے 22 مقدمات رپورٹ ہوئے جبکہ چھوٹی بچیوں کے ساتھ زیادتی کے 54 مقدمات درج ہوئے۔ ان کیسز میں ملوث ملزمان میں پولیس صرف دس فیصد ملزمان کو سزا دلوانے میں کامیاب ہوسکی۔

پولیس کی ناقص حکمت عملی کے باعث پکڑے گئے ملزمان مدعیان کو دھمکانے لگے، شہر میں خواتین کے ساتھ زیادتی کے واقعات میں آئے روز تیزی آرہی ہے۔

وکلاء کا کہنا ہے کہ ملزمان کو سزائیں ہوں گی تو کیسز میں کمی آئے گی۔