لکی مروت: ملالہ یوسفزئی پر خودکش حملے کی دھمکی دینے والا مفتی گرفتار

پشاور (ڈیلی اردو) خیبر پختونخوا کے ضلع لکی مروت کی پولیس نے نوبیل انعام یافتہ ملالہ یوسفزئی کو خودکش دھماکے سے اڑانے کی دھمکی دینے پر مفتی سردار علی حقانی کو گرفتار کرلیا۔

ایف آئی آر کے مطابق ملزم کی ایک سوشل میڈیا پوسٹ وائرل ہوئی ہے، جس میں اسے سٹیج پر کھڑے ہوکر تقریر کرتے ہوئے سنا جا سکتا ہے۔ مفتی سردار اپنی تقریر میں لوگوں کو قانون ہاتھ میں لینے اور ملالہ یوسفزئی پر حملہ کرنے کے لیے اکسا رہا ہے۔

مفتی سردار علی کی ایک ویڈیو سوشل میڈیا پر وائرل ہوئی ہے جس میں وہ لوگوں کو قانون ہاتھ میں لینے اور نوبل انعام یافتہ ملالہ یوسفزئی پر حملہ کرنے کیلئے اکسا رہا ہے۔

وائرل ویڈیو میں مفتی سردار علی کو ایک مسجد میں اسٹیج پر کھڑے ہوکر خطاب کرتے ہوئے دیکھا جاسکتا ہے جس میں وہ ملالہ یوسفزئی کو شادی سے متعلق بیان پر شدید تنقید کا نشانہ بناتے ہوئے کہہ رہا ہے کہ اللہ آپ کو پاکستان لے آئے تو آپ پر میں خودکش حملہ کرونگا۔

سوشل میڈیا پر ویڈیو وائرل ہونے کے بعد لکی مروت کے تھانہ شہید ہیبت علی خان پیزو کی پولیس نے ایس ایچ او وسیم سجاد کے مدعیت میں مقدمہ درج کرکے مفتی سردار علی کو گرفتار کرلیا۔