لکی مروت میں سیکورٹی فورسز کا آپریشن، 8 دہشت گرد ہلاک

لکی مروت (نمائندہ ڈیلی اردو) پاکستان کے شورش زدہ صوبے خیبر پختونخوا کےضلع لکی مروت میں سیکورٹی فورسز نے خفیہ اطلاعات کی بنیاد پر آپریشن کرتے ہوئے کالعدم تحریک طالبان پاکستان کے 8 دہشت گردوں کو  ہلاک کر دیاہے جبکہ 5 شدید زخمی ہوئے۔

سکیورٹی ذرائع کے مطابق 24 اکتوبر کو لکی مروت کے علاقے وانڈہ شیخ اللہ میں خفیہ اطلاع کی بنیاد پر کارروائی کی گئی، کارروائی میں کالعدم تحریک طالبان پاکستان  کے 8 دہشت گرد مارے گئے۔

ذرائع کا بتانا ہے کہ علاقے میں مزید دہشت گردوں کی موجودگی کے خدشات کے پیش نظر سرچ آپریشن جاری ہے۔

سکیورٹی ذرائع کا کہنا ہے کہ نیشنل ایکشن پلان کے تحت آخری دہشت گرد کے خاتمے اور امن و امان کی مکمل بحالی تک کارروائیاں جاری رہیں گی۔

یاد رہے کہ گزشتہ روز ٹانک میں بھی سکیورٹی فورسز نے کارروائی کر کے کالعدم تحریک طالبان پاکستان کے 8 دہشت گردوں کو ہلاک کیا تھا۔