لیفٹیننٹ جنرل (ر) بلال اکبر سعودی عرب میں پاکستانی سفیر مقرر

اسلام آباد (مانیٹرنگ ڈیسک) حکومت نے سعودی عرب میں اپنا سفیر تبدیل کر کے لیفٹیننٹ جنرل (ر) بلال اکبر کو نیا سفیر مقرر کیا ہے جبکہ وہاں پر راجہ علی اعجاز دو سال تک خدمات سرانجام دیتے رہے اب سعودی عرب اور پاکستان دونوں کے سفیروں کا پس منظر فوج سے ہے، پاکستان میں سعودی عرب کے سفیر نواف بن سعید ال مالکی کا تعلق سعودی رائل نیوی سے ہے۔

سفارتی ذرائع کا کہنا ہے کہ سفرا کا تقرر دونوں ممالک کے مابین مضبوط تعلقات کا مظہر ہے، اب سفارتکاری کے علاوہ دونوں ممالک کے درمیان معاشی، فوجی اور سرمایہ کاری کو فروغ دینا ہے،

واضح رہے کہ لیفٹیننٹ جنرل بلال اکبر نے PMA 73 لانگ کورس آرٹلری میں 14 مارچ 1986 کو کمیشن حاصل کیا۔ لیفٹیننٹ جنرل بلال اکبر چند روز قبل کور کمانڈر راولپنڈی کے فرائض سر انجام دے رہے تھے اس سے قبل چیف آف جنرل اسٹاف کی انتہائی اہم پوزیشن پر فائض رہے اور اُس سے قبل بحیثیت ڈی جی رینجرز سندھ کراچی آپریشن کی کامیابی کی وجہ سے ملک گیر شہرت حاصل کی۔

پاکستانی فوج کے سابق سربراہ جنرل (ر) راحیل شریف 2017 سے فوجی خدمات سرانجام دے رہے ہیں۔