مردان: پولیس موبائل پر فائرنگ، ایک اہلکار ہلاک، دو زخمی، جوابی فائرنگ میں حملہ آور ہلاک

مردان (نمائندہ ڈیلی اردو) خیبر پختونخوا کے ضلع مردان کے علاقے کاٹلنگ بابوزئی میں دہشت گردوں نے پولیس موبائل پر فائرنگ کی جس کے نتیجے ایک اہلکار ہلاک جبکہ راہ گیر بچی سمیت دو اہلکار زخمی ہوگئے۔

مردان : شہید ہیڈ کانسٹیبل اسرار خان کی نماز جنازہ پولیس لائن میں ادا کر دی گئی۔ضلعی پولیس سربراہ ڈاکٹر ذاہد اللہ، ڈپٹی کمشنرحبیب اللہ عارف و دیگر پولیس افسران و اہلکاروں نے نماز جنازہ میں شرکت کی اور شہید کو پولیس کے چاک وچوبند دستے نے سلامی پیش کی۔ pic.twitter.com/AnSdZsQcJu

— KP Police (@KP_Police1) May 29, 2021

پولیس کے مطابق مردان کے علاقے کاٹلنگ بابوزئی میں گشت کے دوران دہشت گردوں نے پولیس موبائل پر اندھا دھند فائرنگ کی، جس کے نتیجے میں تین پولیس اہلکار اور ایک راہ گیر بچی زخمی ہوئی۔

شہید ہیڈکنسٹبل اسرارخان کی نمازجنازہ اسکےآبائی گاوں جیوڑمیں اداکر دی گئی۔
ڈی آئی جی مردان ریجن یاسین فاروق، ڈی پی اوڈاکٹرذاھداللہ،ڈپٹی کمشنرحبیب اللہ عارف ودیگرپولیس افسران واہلکاروں نےشہید کی نمازہ جنازہ میں شرکت کی اورشہیدکو پولیس کے چاک وچوبند دستےنے سلامی پیش کی۔@KP_Police1 pic.twitter.com/eeITzQiWZj

— District Police Mardan KP (@DPOMardan) May 29, 2021

موبائل میں موجود دیگر اہلکاروں نے جوابی فائرنگ کی جس کے نتیجے میں ایک حملہ آور بھی مارا گیا، فائرنگ کے بعد جائے وقوعہ پر ایمبولینس طلب کر کے زخمیوں کو ہسپتال منتقل کیا گیا، جہاں ڈاکٹرز نے ایک اہلکار اسرار خان کی ہلاکت کی تصدیق کردی۔ جبکہ زخمی اہلکاروں میں منیر اور منصور شامل ہیں، جنہیں طبی امداد کے لئے مردان میڈیکل کمپلیکس ہسپتال منتقل کردیا گیا ہے۔

ہسپتال ذرائع کے مطابق اہلکاروں اور آٹھ سالہ بچی کی حالت خطرے سے باہر ہے۔

پولیس نے حملہ آور کی لاش کو بھی قبضے میں لے کر ضابطے کی کارروائی کے لیے ہسپتال منتقل کیا۔ جبکہ واقعے کی اطلاع ملتے ہی پولیس کی بھاری نفری جائے وقوعہ پہنچ کر بابوزئی کے پہاڑی علاقے میں سرچ آپریشن شروع کردی۔