ملک بھر میں 15 ستمبر سے تعلیمی ادارے کھول دیے جائیں گے، وفاقی وزیر تعلیم

اسلام آباد (ڈیلی اردو) وفاقی وزیر برائے تعلیم شفقت محمود نے بتایا ہے کہ ملک بھر میں 15 ستمبر سے اسکول، کالجز اور جامعات سمیت تمام تعلیمی ادارے کھول دیے جائیں گے۔

اسلام آباد میں پریس کانفرنس کرتے ہوئے انہوں نے بتایا کہ تعلیمی ادارے کھولنے سے قبل اگست میں صحت کے حوالے سے معاملات کا تفصیلی جائزہ لیا جائے گا۔

Federal Minister Education @Shafqat_Mahmood is addressing a press conference. He is briefing media on consultations with provincial govts and NCOC decisions on reopening of educational Institutions. Tentatively all provinces GB and AjK has agreed to reopen ob 1st September 1/2 pic.twitter.com/EVb2mG86m6

— Ministry of Education and Professional Training (@EduMinistryPK) July 9, 2020

ان کا مزید کہنا تھا کہ تعلیمی ادارے کھولنے سے قبل ایس او پیز تشکیل دیے جائیں گے اور اس سلسلے میں متعدد تجاویز موصول ہوئی ہیں۔

Inter provincial Ministerial council will meet again in last week of August to review the #COVIDー19 situation in the country,final decision will be taken accordingly @Shafqat_Mahmood briefs media. Safety of our children is priority. All decisions will b taken with consensus 2/2 pic.twitter.com/PuuAWjJSPr

— Ministry of Education and Professional Training (@EduMinistryPK) July 9, 2020

انہوں نے بتایا کہ لاک ڈاؤن کے دوران آن لائن تعلیم کے حوالے سے ان علاقوں میں مقیم طلبا کو بہت زیادہ نقصان ہوا جہاں انٹرنیٹ کی بہتر سہولیات میسر نہیں تھیں۔ اس لیے ان طالبعلموں کے لیے عید کے بعد جامعات کو 30 فیصد گنجائش پر طلبہ کو ہاسٹلز میں آنے کی اجازت دی جائے گی۔

وفاقی وزیر تعلیم نے کہا کہ جن طلبا کو بلایا جائے گا اور جو اساتذہ اپنی تیاری کے لیے آئیں گے ان کی صحت سے متعلق اقدامات کیے جائیں اور ایس او پیز پر عملدرآمد کروایا جائے گا۔