مولانا فضل الرحمٰن سمیت ملک کے 20 سیاستدانوں کو خطرہ ہے، وفاقی وزیر داخلہ شیخ رشید

اسلام آباد (ڈیلی اردو) وفاقی وزیر داخلہ شیخ رشید احمد کہتے ہیں کہ کورونا خطرناک صورتحال اختیار کر رہا ہے اور یہ لوگ سیاست سیاست کھیل رہے ہیں۔

انہوں نے کہا کہ نیشنل کاؤنٹر ٹیررازم اتھارٹی (نیکٹا) کے تحت ملک کے 20 سیاستدانوں کو خطرہ ہے، مولانا فضل الرحمٰن کو بھی ہائی الرٹ جاری کیا گیا ہے۔

نیکٹا کے دورے کے موقع پر گفتگو میں شیخ رشید نے کہا کہ مولانا فضل الرحمٰن نے نوازشریف کو آگے لگا رکھا ہے، ان کا کوئی سیاسی مستقبل نہیں۔

انہوں نے مزید کہا کہ بھارت پاکستان کے اندرونی مسئلوں میں خلفشار پیدا کررہا ہے، اگر بھارت کے ساتھ جنگ ہوئی تو یہ آخری جنگ ہوگی۔

وزیر داخلہ شیخ رشید نے وفاقی وزیر اسد عمر سے ملک میں برطانیہ کی پروازیں بند کرنے کی اپیل بھی کی۔