مڈغاسکر میں ہیلی کاپٹر گر کر تباہ، وفاقی وزیر 12 گھنٹے تیرنے کے بعد جان بچانے میں کامیاب

اینٹانانیریو (ڈیلی اردو/بی بی سی) افریقی ملک مڈغاسکر میں ایک حکومتی وزیر کا دعویٰ ہے کہ ایک ریسکیو مشن کے دوران سمندر میں ہیلی کاپٹر کے گرنے بعد انھوں نے 12 گھنٹے تک تیراکی کی اور ساحل پر پہنچنے میں کامیاب ہوئے۔

"It's not my time to die"

Minister swims 12 hours to safety after helicopter crashes at sea https://t.co/EH7MSClYaJ

— BBC News (World) (@BBCWorld) December 22, 2021

ان کے ساتھ ہیلی کاپٹر میں سوار دو دیگر سکیورٹی حکام بھی اس حادثے میں بچ گئے ہیں۔ یہ ٹیم ملک کے شمال مشرقی علاقے میں ہیلی کاپٹر کی مدد سے کچھ ان علاقوں کا جائزہ لے رہی تھی جہاں پر ایک مسافر کشتی ڈوبی تھی۔

شدید تھکاوٹ کے شکار وزیرِ پولیس سرگے گیل نے کہا کہ ‘ابھی میرے مرنے کا وقت نہیں تھا۔‘

♦️Le GDI Serge GELLE, un des passagers de l'hélicoptère accidenté hier a été retrouvé sain et sauf ce matin du côté de Mahambo.
☑️ Les sapeurs sauveteurs de la #4°UPC ont également retrouvé le carcasse de l'hélicoptère au fond de la mer. pic.twitter.com/sP2abwTMwB

— Ministère des Forces Armées (@MDN_Madagascar) December 21, 2021

منگل کے روز حکام نے بتایا تھا کہ کشتی ڈوبنے کے حادثے میں کم از کم 39 لوگ ہلاک ہوئے تھے۔ ٹوئٹر پر ملک کے صدر اینڈری راجولینا نے ہلاک ہونے والوں کے لیے تعزیت کی، اور سرگے گیل اور ان کے ساتھی اہلکاروں کی تعریف کی۔

C’est avec une profonde tristesse que j’ai appris le naufrage d’un navire au large d’Antsiraka et son terrible bilan. Mes pensées vont aux victimes et à leurs proches endeuillés.

Je prie solennellement pour le repos de leurs âmes. pic.twitter.com/nZzJsaYMtL

— Andry Rajoelina (@SE_Rajoelina) December 21, 2021

ابھی تک یہ واضح نہیں ہے کہ پیر کے روز یہ حادثہ کیوں یا کیسے پیش آیا تاہم 57 سالہ سرگے گیل نے کہا کہ ماہامبو کے قصبے تک پہنچنے کے لیے انھوں نے حادثے کی شام ساڑھے سات بجے سے لے کر اگلی صبح ساڑھے سات بجے تک سمندر میں تیراکی کی۔

ان کا کہنا تھا کہ وہ زخمی نہیں ہیں مگر انھیں شدید سردی لگ رہی تھی۔

انھوں نے ماہامبو کے قصبے میں پہنچ کر مقامی لوگوں کو کہا کہ میں چاہتا ہوں کہ آپ میری ویڈئو نشر کر دیں تاکہ میری گھر والے اور دیگر سرکاری اہلکار یہ دیکھ لیں کہ میں زندہ ہوں، اور ٹھیک ہوں۔‘

پولیس کے سربراہ زافیسمبترا راوئاوے نے خبر رساں ادارے اے ایف پی کو بتایا کہ سرگے گیل نے ہیلی کاپٹر کی ایک نشت کو بطور فلوٹیشن ڈیوائس استعمال کیا۔

ان کا کہنا تھا کہ ‘ان کا کھیلوں میں دلچسپی ہونے کے باعث ہمیشہ سے کافی سٹیمنا تھا اور انھوں نے ایک تیس سال کے لڑکے کی طرح اپنا ردھم برقرار رکھا۔ ان کے اعصاب فولاد کی مانند ہیں۔‘

اگست میں بطور وزیر تعیناتی سے پہلے سرگے گیل نے تین دہائیوں تک پولیس میں سروس کی ہے۔