میکسیکو: مسلح افراد کے حملے میں 6 پولیس اہلکار ہلاک، 4 زخمی

میکسیکو سٹی (ڈیلی اردو) میکسیکو کی شمالی نیو لیون ریاست میں تقریباً 10 بکتر بند ٹرکوں کے قافلے میں سفر کرنے والے مسلح افراد کے ساتھ فائرنگ کے تبادلے کے دوران کم از کم 6 پولیس اہلکار ہلاک ہو گئے۔

ریاست کی سکیورٹی وزارت نے شِنہوا کو بتایا کہ 4 مزید پولیس اہلکار زخمی ہوئے ہیں اور انھیں پہلے ہی طبی امداد دی جارہی ہے۔

حکام کے مطابق یہ حملہ ریاست کے شمال میں لیمپازوس اور کولمبیا کے قصبوں کے درمیان ہواجہاں حملہ آوروں کی تعداد پولیس سے زیادہ تھی، جن کے پاس جدید ہتھیار موجود تھے۔

میکسیکو کے صدر اینڈریس مینوئل لوپیز اوبراڈور نے کہا ہے کہ دسمبر 2018 میں شروع ہونے والا تشدد ان کی انتظامیہ کے اہم چیلنجز میں سے ایک ہے۔