وزیراعظم شہباز شریف کی سینئر صحافیوں کے گھروں کا تحفظ یقینی بنانے کی سخت ہدایت

اسلام آباد (ڈیلی اردو) وزیراعظم شہباز شریف کی آئی جی اسلام آباد کو سینئر صحافیوں اور ان کے گھروں کا تحفظ یقینی بنانے کی سخت ہدایت کی ہے۔

وزیراعظم شہباز شریف کی ہدایت پر پاکستان مسلم لیگ نون کی ترجمان مریم اورنگزیب کا آئی جی اسلام آباد احسن یونس سے رابطہ کیا۔

سینئر صحافی حامد میر، عاصمہ شیرازی سلیم صافی سمیت صحافی برادری کے گھروں کے باہر غنڈہ گردی کی کوشش کرنے والوں سے انتہائی سختی سے نمٹا جائے گا۔ آئی جی اسلام آباد سمیت قانون نافذ کرنے والے متعلقہ حکام کو ہدایات جاری کر دی گئی ہیں۔ کسی قسم کی غنڈہ گردی برداشت نہیں کی جائے گی۔

— Marriyum Aurangzeb (@Marriyum_A) April 17, 2022

مریم اورنگزیب نے آئی جی اسلام آباد کو ہدایت کی کہ چادر اور چار دیواری کا تقدس پامال کرنے کی کوشش کرنے والے عناصر کے ساتھ سختی سے نمٹا جائے اور نشان عبرت بنایا جائے۔

مختلف شخصیات کے گھروں کے باہر احتجاج کی کال کا معاملہ pic.twitter.com/vIX2EEFCRS

— Islamabad Police (@ICT_Police) April 17, 2022

مریم اورنگزیب نے کہا کہ آئین نے شہریوں کے بنیادی حقوق اور اظہار رائے کی ضمانت دی ہے۔ قانون کو ہاتھ میں لینے والوں سے کوئی رو رعایت نہ کی جائے۔