وزیراعظم عمران خان کی ایرانی سپریم لیڈر آیت اللہ خامنہ ای سے ملاقات

تہران (نیوز ڈیسک + ارنا) وزیراعظم عمران خان نے قائد اسلامی انقلاب حضرت آیت اللہ سید علی خامنہ ای کیساتھ ملاقات کی۔

تفصیلات کے مطابق ایران کے دورے پر آئے ہوئی پاکستان کے وزیر اعظم عمران خان نے پاکستانی وفد کی قیادت میں پیر کے روز قائد اسلامی انقلاب، رہبر اعلیٰ آیت اللہ علی خامنہ ای کیساتھ ملاقات کی۔

واضح رہے کہ عمران خان، ایران کے دو روزہ دورے کیلئے گزشتہ روز ملک کے مذہبی شہر مشہد کا دورہ کرتے ہوئے امام رضاؑ کے روضہ پاک کی زیارت کے بعد ایرانی دارالحکومت تہران پہنچ گئے جہاں صدر مملکت حسن روحانی نے ان کا پرتباک استقبال کیا۔

اس کے علاوہ تہران کی صدراتی محل سعات آباد میں ایرانی صدر اور پاکستانی وزیر اعظم کے درمیان وفود کی سطح پر مذاکرات ہوئے۔

دونوں فریقین عمران خان کے دورے ایران کے اختتام پر ایک مشترکہ بیان بھی جاری کریں گے۔