پانچ دنوں میں ترک فوج کے 26 حملے، کردستان کے پہاڑی علاقوں پر شدید گولہ باری

اربیل(ڈیلی اردو) ترکی کی فوج نے گزشتہ پانچ دنوں کے دوران عراق کے کردستان ریجن میں واقع ضلع آمیدی (عمادیہ) کے پہاڑی علاقوں پر 26 بار گولہ باری کی ہے، جو صوبہ دهوک میں واقع ہے۔

کردستان کے سماجی امن ساز ٹیم کے رکن کامیران عثمان نے سوشل میڈیا پر اپنی ایک پوسٹ میں بتایا کہ ترک افواج مسلسل جبل حەوت تەبەق اور بەرێ نزارکێ کے علاقوں پر توپ خانے سے حملے کر رہی ہیں، جو شیلادزی کے نواحی گاؤں بەرێسكێ کے قریب واقع ہیں۔

انہوں نے بتایا کہ ترک فوج نے صرف گزشتہ پانچ روز میں 26 بار گولہ باری کی ہے۔

کامیران عثمان کا کہنا تھا کہ یہ حملے اس اعلان کے باوجود جاری ہیں، جس میں 12 مئی کو کردستان ورکرز پارٹی (PKK) نے اپنے خاتمے اور سیاسی عمل سے دستبرداری کا اعلان کیا تھا۔ اس کے باوجود ترکی کی جانب سے کردستان کے اندرونی علاقوں پر حملوں میں قابلِ ذکر اضافہ ہوا ہے۔