پاک فوج نے انسانی حقوق کیخلاف ورزیوں سے متعلق بی بی سی کی رپورٹ مسترد کردی

راولپنڈی (ویب ڈیسک) پاک فوج کے ترجمان میجر جنرل آصف غفور نے اپنے بیان میں برطانوی نشریاتی ادارے کی رپورٹ کو مسترد کرتے ہوئے کہا کہ پاکستان پر انسانی حقوق کے خلاف ورزی کے الزامات بے بنیاد ہیں۔

پاک فوج کے شعبہ تعلقات عامہ (آئی ایس پی آر ) کے ڈائریکٹر جنرل میجر جنرل آصف غفور کے مطابق برطانوی نشریاتی ادارے (بی بی سی) میں شائع ہونے والی خبر جھوٹ کا پلندہ اور صحافتی اصولوں کی خلاف ورزی ہے، اس اسٹوری میں بغیر کسی ثبوت کے الزامات عائد کیے گئے ہیں۔

News story published by BBC on 2nd June 2019, titled “Uncovering Pakistan's Secret Human Rights Abuses” is pack of lies and in violation of journalistic ethos.
The issue is being formally taken up with BBC authorities. pic.twitter.com/A3QtbXJIkS

— DG ISPR (@OfficialDGISPR) June 3, 2019

انہوں نے کہا کہ خبر پر مؤقف لینے کے لیے آئی ایس پی آر کو ایک سوالنامہ بھیجا گیا تھا جس پر آئی ایس پی آر کی جانب سے مکمل حقائق جاننے کیلئے ملاقات کی پیشکش کی گئی تھی۔

’فوجیوں نے کہا گاڑی روکو، رضوار جان کو سر میں گولی ماری اور اس کی لاش سڑک پر پھینک دی۔‘https://t.co/NzSHaG94i3

— BBC News اردو (@BBCUrdu) June 2, 2019

ترجمان پاک فوج نے بتایا کہ خبر میں بتائی گئیں باتیں حقائق کے برعکس ہیں اور اندازے کی بنیاد پر اسٹوری شائع کی گئی ہے، ہم سارا معاملہ بی بی سی حکام کے ساتھ اٹھائیں گے۔

ان کا مزید کہنا تھا کہ پاکستان پر انسانی حقوق کی خلاف ورزیوں کے الزامات بے بنیاد ہیں، نشریاتی ادارے نے حالیہ شمالی وزیرستان واقعے سے متعلق اسٹوری میں سرکاری مؤقف کو نظرانداز کیا ہے۔