پاکستانی سیکورٹی فورسز کا شمالی وزیرستان اور کیچ میں آپریشن، 12 شدت پسند ہلاک

راولپنڈی (ڈیلی اردو/بی بی سی) پاکستانی سکیورٹی فورسز نے صوبہ خیبر پختونخوا کے قبائلی ضلع شمالی وزیرستان کے ضلع میران شاہ میں انٹیلی جنس بیسڈ آپریشن کرتے ہوئے آٹھ شدت پسندوں کو ہلاک کر دیا۔

پاکستان کی فوج کے شعبہ تعلقات عامہ (آئی ایس پی آر) کے مطابق سکیورٹی فورسز کے آپریشن کے دوران چھ شدت پسند زخمی بھی ہوئے جبکہ علاقے میں کلیئرنس آپریشن جاری ہے۔

بلوچستان میں آپریشن

دوسری طرف صوبہ بلوچستان کے ضلع کیچ کے علاقے بالگتر میں بھی سکیورٹی فورسز نے خفیہ اطلاع پر آپریشن کے دوران چار شدت پسندوں کو ہلاک کر دیا ہے۔

آئی ایس پی آر کے بیان کے مطابق بلوچستان کے علاقے ضلع کیچ میں سکیورٹی فورسز اور شدت پسندوں کے درمیان فائرنگ کے تبادلے میں چار شدت پسند ہلاک ہوئے۔ آپریشن کے بعد علاقے میں کلیئرنس آپریشن جاری ہے۔

آئی ایس پی آر نے کہا کہ سکیورٹی فورسز بلوچستان میں دہشت گردی کے خاتمے کے لیے پرعزم ہیں۔