پشاور: دہشتگردی اور ٹارگٹ کلنگ میں ملوث داعش کے 4 دہشت گرد گرفتار

پشاور (ڈیلی اردو) کاؤنٹر ٹرارزم ڈیبارٹمنٹ (سی ٹی ڈی) صوبہ خیبر پختونخوا کے صوبائی دارالحکومت پشاور نے بڑی کارروائی کرتے ہوئے دہشتگردی اور ٹارگٹ کلنگ میں ملوث کالعدم تنظیم داعش کے 4 دہشت گرد گرفتار کر لئے۔

سی ٹی ڈی ترجمان کے مطابق بڈھ بیر سے گرفتار کئے گئے ملزموں میں محمد رحیم، صالح محمد، شاہد اور رازمحمد شامل ہیں، ملزموں کا تعلق پڑوسی ملک افغانستان سے ہے، گرفتار ملزم مذہبی شخصیات، مسیحی و سکھ براردی،ہزارہ کمیونٹی، اہل تشیع کی ٹارگٹ کلنگ جیسی سنگین کارروائیوں میں سرگرم گروہ کیلئے سہولت کاری کرتے تھے۔

ترجمان سی ٹی ڈی نے مزید بتایا کہ پکڑے گئے دہشتگردوں سے تفتیش شروع کردی گئی ہے، ان کے ساتھیوں کی گرفتاریوں کیلئے بھی کارروائیاں کی جارہی ہیں۔