پشاور: عامر تہکالے تشدد کیس، 2 ایس ایچ اوز سمیت 4 پولیس اہلکار نوکری سے برخاست

پشاور (ڈیلی اردو) انسپکٹر جنرل خیبر پختونخوا ڈاکٹر ثناءاللہ نے عامر تہکالےتشدد کیس میں ملوث ایس ایچ اوز سمیت 4 اہلکاروں کو نوکری سے برخاست کردیا۔

آئی جی خیبر پختونخوا نے جوڈیشل کمیشن کی رپورٹ کی روشنی میں تہکال تشدد کیس میں ملوث اہلکاروں کیخلاف محکمانہ انکوائری کی۔

محکمہ انکوائر میں میں جرم ثابت ہونے سابق ایس ایچ او تہکار شہریار اور سابق ایس ایچ او یکہ توت عمران الدین کو نوکری سے برطرف کردیا۔ برخاست کرنے والوں میں سپاہی نعیم اور توصف عالم بھی شامل ہیں۔

عامر تہکالے تشدد کیس پر تبصرہ کرتے ہوئے آئی جی ڈاکٹر ثناء اللہ عباسی نے کہا کہ پولیس ایک فورسز ہے محکمہ کی بدنامی کرنے والوں کیلئے پولیس میں کوئی جگہ نہیں ۔

انہوں نے بتایا کہ پولیس کے اندر خود احستابی کےذریعے سزا و جزا کا عمل جاری ہے جو بھی قانون ہاتھ میں لے گا اس پر ایکشن ہوگا، عوام کی جان ومال اور عزت کا خیال رکھنا پولیس کا اولین ترجیح ہیں۔

ڈاکٹر ثناءاللہ عباسی نے مزید کہا کہ خیبر پختونخوا پولیس نے بہت بڑی قربانی دی ہیں، پولیس عوام کے خادم ہیں اور عوام کا پولیسں پر اعتماد بحال کرنے کیلئے دن رات میرے سمیت تمام افسران چوبیس گھنٹے موجود ہیں۔

واضح رہے کہ 6 ماہ قبل عامر تہکالے کی ایک ویڈیو گزشتہ سوشل میڈیا پر وائرل ہوئی تھی جس میں وہ بظاہر نشے کے اثر میں پولیس افسران کو برا بھلا کہہ رہا تھا جس کے بعد اسے 2 دیگر افراد کے ساتھ منشیات رکھنے کے الزام میں حراست میں لے لیا گیا۔

اس کے بعد عامر تہکالے کے حوالے سے 2 ویڈیوز سامنے آئیں جس میں پولیس اہلکاروں نے اسے برہنہ کیا ہوا تھا اور انہیں تشدد کا نشانہ بنانے کیساتھ انہیں گالیاں بھی دے رہے تھے۔