پشاور: قبائلی اضلاع میں 2 جولائی کو ہونے والے انتخابات ملتوی

پشاور (ڈیلی اردو) خیبر پختونخوا کے قبائلی اضلاع میں 2 جولائی کو ہونے والے انتخابات ملتوی کر دیئے گئے۔

تفصیلات کے مطابق قبائلی اضلا ع میں 2 جولائی کو ہونے والے انتخابات ملتوی کر دیئے گئے جس کا اعلامیہ جاری کردیا گیا،اعلامیہ میں کہا گیا ہے کہ قبائلی اضلاع میں انتخابات 20 روز کیلئے ملتوی کئے گئے ہیں ،قبائلی اضلاع میں انتخابات اب 25 جولائی کو ہونگے ۔

واضح رہے کہ الیکشن کمیشن آف پاکستان نے فاٹا کے کی پی کے میں انضمام کے بعد دو جولائی کو انتخابات کرانے کا اعلان کیا تھا اور امیدواروں کی جانب سے کاغذات نامزدگی بھی جمع کرائے جا چکے ہیں تاہم قبائلی اضلاع میں ہونے والے انتخابات ملتوی کر دیئے گئے ۔