چیئرمین جوائنٹ چیفس آف اسٹاف کمیٹی جنرل زبیر محمود حیات کا الوداعی دورہ نیول ہیڈ کوارٹرز

اسلام آباد (ڈیلی اردو) چیئرمین جوائنٹ چیفس آف اسٹاف کمیٹی جنرل زبیر محمود حیات نے نیول ہیڈکوارٹرز کا الوداعی دورہ کیا ہے۔

ترجمان پاک بحریہ کے مطابق نیول چیف ایڈمرل ظفرمحمود عباسی نے جنرل زبیر محمود حیات کا استقبال کیا، پاک بحریہ کے چاق و چوبند دستے نے چیئرمین جوائنٹ چیفس آف اسٹاف کمیٹی کوگارڈ آف آنر پیش کیا۔

CJCSC Gen Zubair Mahmood Hayat paid farewell call on CNS Adm Zafar Mahmood Abbasi at NHQ Isb. On arrival, CJCSC was presented Guard of Honor. Naval Chief praised CJCSC's role in enhancing Ops capabilities of Armed Forces, Inter Svcs' synergy & transformation into coherent forces. pic.twitter.com/nykpnBTIAh

— DGPR (Navy) (@dgprPaknavy) November 7, 2019

اس موقع پر چیئرمین جوائنٹ چیف آف اسٹاف کمیٹی نے پاک بحریہ کے سربراہ سے الوداعی ملاقات کی، ملاقات میں نیول چیف نے مسلح افواج کے باہمی تعاون کو مضبوط بنانے میں جنرل زبیر محمود حیات کی غیر معمولی خدمات کو سراہا۔ ترجمان کے مطابق چیئرمین جوائنٹ چیفس آف سٹاف کمیٹی نے پاک بحریہ کی صلاحیتوں میں اضافے کے لیے ایڈمرل ظفر محمود عباسی کی کاوشوں کی تعریف کی۔

بعدازاں چیئرمین جوائنٹ چیفس آف سٹاف کمیٹی نے پاک بحریہ کے پرنسپل اسٹاف آفیسران سے بھی الوداعی ملاقات کی۔