ڈیرہ اسماعیل خان: قرنطینہ سنٹر گومل میڈیکل کالج میں ڈاکٹر ماجد سلیم ایک بار پھر زائرین پر بپھر گئے

ڈی آئی خان (توقیر حسین زیدی) صوبے خیبر پختونخوا کے سب سے بڑے قرنطینہ سنٹر گومل میڈیکل کالج میں انچارج ڈاکٹر ماجد سلیم استرانہ ایک بار پھر زائرین پر بپھر گئے۔ ڈاکٹر ماجد سلیم استرانہ کی بدتمزی میں روز بروز اضافہ ڈاکٹر ماجد سلیم استرانہ نے زائرین کو دھمکیاں دیں۔

تفصیلات کے مطابق 50 سے زائد زائرین کا قرنطینہ سنٹر میں ڈاکٹر ماجد استرانہ کے غیر انسانی سلوک اور رپورٹس میں تاخیر پر احتجاجی مظاہرہ جاری ہے۔ کورنٹائن سنٹر گومل میڈیکل کالج میں انچارج ڈاکٹر ماجد سلیم استرانہ زائرین کو غلیظ گالیاں دیتے ہوئے کہتا ہے کہ تم لوگ کمینے ہو، بے غیرت ہو۔ جس کو رپورٹ کرنی ہے کر لو میرا کچھ کوئی کچھ نہیں بگاڑ سکتا۔ میں جب چاہوں جس کو چاہوں کورٹین سنٹر رکھوں۔ ڈاکٹر ماجد سیاسی و سرکاری سرپرستی میں بدمست ہاتھی بن چکا ہے۔ ڈاکٹر ماجد استرانہ کی صحافیوں سے عدم تعاون، ضلعی انتظامیہ سے انفارمشن شیئر نہ کرنا، زائرین سے بدتمیزی کی شکایات متعدد بار اعلی حکام تک پہنچائی گئیں مگر آگاہ کرنے کے باوجود اعلی عہدیدران کی خاموشی بتاتی ہے کہ اس حمام میں سب کے سب ننگے ہیں۔

ادھر زائرین کی اعلیٰ حکام کو چند منٹوں کی مہلت، اعلیٰ حکام کے موقع پہ نہ آنے پر زائرین نے سنٹر سے نکلنے کا اعلان کر دیا۔ زائرین کو دھمکیاں دینے والا ڈاکٹر ماجد ڈر کر کمرے میں چھپ گیا، زائرین کا ڈاکٹر ماجد کو قرنطینہ سنٹر سے برخاست کرکے معطل کرنے کا مطالبہ کیا ہے۔